ہومِ وفات بسملؔ سعیدی (26 اگست 1976)

 

یومِ وفات بسملؔ سعیدی

یومِ ولادت : 06؍جنوری 1901ء

مقامِ ولادت : ٹونک

یومِ وفات : 26؍اگست 1976ء

مقامِ وفات : دہلی

سر جس پہ نہ جھک جائے اسے در نہیں کہتے

ہر در پہ جو جھک جائے اسے سر نہیں کہتے

 آج سیمابؔ اکبرآبادی کے شاگرد، کلاسیکی طرز کے معروف  شاعر ۔ بسمل_سعیدی کا یومِ وفات ہے۔ نام عیسٰی_میاں اور تخلص بسملؔ_سعدی تھا۔

06؍جنوری 1901ء کو ٹونک میں پیدا ہوئے۔ مدرسہ عالیہ سے عربی اور فارسی کی تعلیم حاصل کرنے کے بعد ریاست ٹونک میں ملازم ہوگئے ۔ 1940ء میں جے پور چلے گئے اور ممتازالدولہ نواب مکرم علی خاں رئیس کے مصاحبین میں شامل ہوئے۔ یہاں سات سال قیام کیا اس کے بعد مستقل طور پر دہلی آگئے۔

بسملؔ سعیدی کا شمار بیسوی صدی کے خالص کلاسیکی طرز کے شاعروں میں ہوتا ہے۔ ان کی غزلوں میں روایتی مضامین نئے رنگ اور نئی آب وتاب کے ساتھ نظر آتے ہیں۔ لیکن ان کی نظمیں ان کی ایک اور ہی تخلیقی جہت کا پتا دیتی ہیں۔ یہ نظمیں ان تمام مسائل وموضوعات کو محیط ہیں جو ان کے عہد کے پیدا کئے ہوئے تھے۔

بسملؔ سعیدی سیمابؔ اکبر آبادی کے ممتاز شاگروں میں سے تھے۔

 26-08-1978

کو دہلی میں ہی انتقال کر گئے۔

منتخب اشعار بطور خراجِ عقیدت

ہم نے کانٹوں کو بھی نرمی سے چھوا ہے اکثر 

لوگ بے درد ہیں پھولوں کو مسل دیتے ہیں

۔۔۔۔۔۔۔۔۔۔۔۔

سر جس پہ نہ جھک جائے اسے در نہیں کہتے 

ہر در پہ جو جھک جائے اسے سر نہیں کہتے

۔۔۔۔۔۔۔۔۔۔۔۔۔

 کیا تباہ تو دلی نے بھی بہت بسملؔ 

مگر خدا کی قسم لکھنؤ نے لوٹ لیا

۔۔۔۔۔۔۔۔۔۔۔

خوشبو کو پھیلنے کا بہت شوق ہے مگر 

ممکن نہیں ہواؤں سے رشتہ کئے بغیر

۔۔۔۔۔۔۔۔۔۔

ادھر ادھر مری آنکھیں تجھے پکارتی ہیں 

مری نگاہ نہیں ہے زبان ہے گویا

۔۔۔۔۔۔۔۔۔۔۔

نا امیدی ہے بری چیز مگر 

ایک تسکین سی ہو جاتی ہے

۔۔۔۔۔۔۔۔۔۔۔

ٹھوکر کسی پتھر سے اگر کھائی ہے میں نے 

منزل کا نشاں بھی اسی پتھر سے ملا ہے

۔۔۔۔۔۔۔۔۔۔۔

حسن بھی کمبخت کب خالی ہے سوز عشق سے 

شمع بھی تو رات بھر جلتی ہے پروانے کے ساتھ

۔۔۔۔۔۔۔۔۔۔۔

تم جب آتے ہو تو جانے کے لیے آتے ہو 

اب جو آ کر تمہیں جانا ہو تو آنا بھی نہیں

۔۔۔۔۔۔۔۔۔۔۔۔۔

کعبے میں مسلمان کو کہہ دیتے ہیں کافر 

بت خانے میں کافر کو بھی کافر نہیں کہتے 

۔۔۔۔۔۔۔۔۔۔۔۔۔

سکوں نصیب ہوا ہو کبھی جو تیرے بغیر 

خدا کرے کہ مجھے تو کبھی نصیب نہ ہو 

۔۔۔۔۔۔۔۔۔۔۔۔۔

کسی کے ستم اس قدر یاد آئے 

زباں تھک گئی مہرباں کہتے کہتے 

۔۔۔۔۔۔۔۔۔۔۔۔۔

 میرے دل کو بھی پڑا رہنے دو 

چیز رکھی ہوئی کام آتی ہے 

۔۔۔۔۔۔۔۔۔۔۔

 رو رہا ہوں آج میں سارے جہاں کے سامنے 

روئے گا کل دیکھنا سارا جہاں میرے لیے 

۔۔۔۔۔۔۔۔۔۔۔

 دہرائی جا سکے گی نہ اب داستان عشق 

کچھ وہ کہیں سے بھول گئے ہیں کہیں سے ہم 

۔۔۔۔۔۔۔۔۔۔۔

 محبت میں خدا جانے ہوئیں رسوائیاں کس سے 

میں ان کا نام لیتا ہوں وہ میرا نام لیتے ہیں 

۔۔۔۔۔۔۔۔۔۔

دو دن میں ہو گیا ہے یہ عالم کہ جس طرح 

تیرے ہی اختیار میں ہیں عمر بھر سے ہم 

۔۔۔۔۔۔۔۔۔۔۔

زمانہ سازیوں سے میں ہمیشہ دور رہتا ہیں 

مجھے ہر شخص کے دل میں اتر جانا نہیں آتا 

۔۔۔۔۔۔۔۔۔۔۔

عشق بھی ہے کس قدر بر خود غلط 

ان کی بزم ناز اور خودداریاں

Don't forget me in your prayers

Let us know about your reactions in comments..,

🅙🅞🅘🅝 🅤🅢 🅞🅝

👇👇👇👇👇👇

🇼 🇭 🇦 🇹 🇸 🇦 🇵 🇵

🇨 🇭 🇦 🇳 🇳 🇪 🇱

https://whatsapp.com/channel/0029VaXM5tF4tRs1eq7O7a27

🇼 🇭 🇦 🇹 🇸 🇦 🇵 🇵

🇬 🇷 🇴 🇺 🇵

https://chat.whatsapp.com/I4Y04UuJX4CHLfJtA4Bfyx

`🇹 🇪 🇱 🇪 🇬 🇷 🇦 🇲

https://t.me/KnowledgeWorldPak